mixer

Калі б я нарадзіўся ў Бэрліне..

Mon, 09 Nov 2009 16:10:20 GMT

.. у добрае надвор’е штодня езьдзіў бы ў офіс на ровары, у дрэннае – на ўласным аўто. Па вечарах, пасьля басэйну, я б ехаў у мэтро з кнігаю ў руках да сяброў у чарговы паб. Уночы – дамоў, зноў у мэтро, цяпер ужо з дэвайсам у руках. Разглядаў бы сьвежыя фоты, пісаў камэнты, чытаў навіны. Насупраць мяне сядзелі б панурыя туркі, а ў супрацьлеглым баку вагона – захоплена гаманілі кітайцы. Нарэшце мой дом. Ключы, шкляныя дзьверы аўтаматычна адчыняюцца, загараецца сьвятло, за мною заходзіць дзяўчына з восьмага паверху. Мы вітаемся, у ліфце жартуем, разьвітваемся. Сон. Новы дзень.

У выходныя пару разоў на месяц невялічкай кампаніяй ляталі ў Лёндан альбо Талін, у Скандынавію альбо Балканы. Каб пафотаць, наведаць канцэрт, пагрэцца ва ўтульнай кавярні. Зрэшты, каб зноў вярнуцца ў зручны Бэрлін.

А сёньня я б прыгадаў амаль сьцёртыя з памяці неасэнсаваныя пачуцьці раньняга дзяцінства з нагоды падзеньня муру. Калі не ўсьведамляў значнасьці падзеі, але, дзякуючы бацькам, адчуваў, што адбылося нешта надзвычай важнае й станоўчае.

* * *

Tue, 03 Nov 2009 20:21:15 GMT

Мода на флікеры праходзіць, у новых трэндах зьявіліся маскі.

* * *

Калі надакучыла пра грып, глядзіце на восеньскі Полацак:

2009, фаташоп

Vienna. Urban

Thu, 08 Oct 2009 18:43:57 GMT

Шкада, нельга паказаць здымкі неверагодных гарадоў з маіх сноў.

А вось вам некалькі фотаў зь Вены.

Kazimierz. Kraków

Tue, 29 Sep 2009 19:57:49 GMT

Цяжка назваць Казімеж габрэйскім, сёньня ён, хутчэй, Jewish-themed раён Кракава. Сынагогі тут засталіся, а замест габрэяў – турысты. Некалькі характэрных фотаў.

Ідылічныя куткі зьмяняюцца закінутымі дамамі з закалочанымі вокнамі.

На якіх вуліцах здымалі “Сьпіс Шындлера”, ня ведаю. Гэтыя дзьверы ды шыльды можна было б сьмела выкарыстоўваць як дэкарацыі.

2007:

Кракаў. part 1
part 2. Кракаў і сабакі
part 3. Беларускі Кракаў
part 5. Кракаў: вымярэньні
part 6. Кракаў. "Жывыя фігуры". Забаўкі для турыстаў
part 7. Кракаў: street art

Лякальная геаграфія

Thu, 10 Sep 2009 16:55:07 GMT

Райцэнтры Магілёўшчыны, якія мне лёгка запомніць:

Асіповічы
Бабруйск
Быхаў
Бялынічы
Горкі
Круглае
Мсьціслаў
Слаўгарад
Чавусы
Шклоў

А з гэтымі, калі трэба ўзгадаць што дзе знаходзіцца, пачынаецца мешаніна: Глуск, Дрыбін, Кіраўск, Касьцюковічы, Клічаў, Клімавічы, Крычаў, Краснапольле, Чэрыкаў, Хоцімск.

Берасьце – Тэрэспаль

Wed, 09 Sep 2009 00:17:03 GMT

На днях бачыў, як вялікія група чачэнцаў (грузінаў?) прайшла мытную залю Берасьцейскага вакзалу й бязь візаў на цягніку “Берасьце – Тэрэспаль” пераехала ў Польшчу, дзе імі ўжо “заняліся” польскія памежнікі. Нелегалаў было шмат – амаль палова вагону.

Сытуацыя зьдзівіла. Атрымліваецца, нашы памежнікі могуць выпускаць у Шэнген каго заўгодна?

Учора ўдзень ля мытнай залі ў Берасьці нелегалаў “лавілі” журналісты БТ.

Сёе-тое наздымалі, але ў "Панараме" нічога не паказалі.

Маленькія радасьці

Wed, 19 Aug 2009 20:14:49 GMT

Ёсьць нейкая цяжкавытлумачальная асалода ад позьняга шопінгу “за маслам і булкай”. Хоць і выбар горшы.

Крамола не прайшла

Fri, 24 Jul 2009 20:59:34 GMT

У тэлевэрсію магілёўскага канцэрту ДДТ песьня “Когда закончится нефть” не патрапіла. Хто б сумняваўся :)

Абрэвіятура

Wed, 24 Jun 2009 19:10:48 GMT

Нядаўна даведаўся, чаму “Позірк” (прадпрыемства, якое аб’ядноўвае шэраг магілёўскіх кінатэатраў) гэтак называецца. Калі перакласьці зь беларускай на расейскую мову звыклыя назвы “Ветразь”, “Кастрычнік”, “Чырвоная Зорка” і “Радзіма”, “Космас”, атрымаем:

	ПАРУС
	ОКТЯБРЬ
КРАСНАЯ	ЗВЕЗДА
	і
	РОДИНА
	КОСМОС

Berlin, Berlin

Mon, 01 Jun 2009 17:46:03 GMT

Дарагая рэдакцыя! Вярніце, калі ласка, на экраны сэрыял “Бэрлін, Бэрлін”!

Бэрлін. Фотафакт

Wed, 06 May 2009 17:37:02 GMT

Адзін з сымбаляў Бэрліну саскочыў са сьвятлафору, вырас, ператварыўся ў вялікую нерухомую зялёную фігуру, затым ажыў і пайшоў “па справах” (гл. другі плян).

Нямецкі дворык. Частка 1

Sun, 12 Apr 2009 17:57:09 GMT

Сьметніца-“паліцай”, якую доўга не заўважаў, знаходзілася акурат ля ўваходу ў пад’езд дому, дзе давялося жыць. Як удалося высьветліць, “паліцаяў” у Бэрліне завуць “догамі”. Відаць, размаляваная сьметніца – своеасаблівае рэха постсавецкага насьценнага жывапісу з надпісамі а-ля “мусора – с*кі”.

anka_upala на Аляксандарпляц

Fri, 10 Apr 2009 16:22:31 GMT

Вось, як і абяцаў:

Бэрлін. Чэргі

Thu, 09 Apr 2009 18:18:43 GMT

Першая нечаканасьць, зь якой сутыкнуўся ў Бэрліне – чэргі. У немцаў усё настолькі прадумана, што чэргаў тут не павінна быць, меркаваў я раней. Аднак яны ўсё ж ёсьць, імі папросту добра кіруюць: квіткі з нумарамі, памяшканьні-“буфэры” ды маніторы з часам уваходу па нумарах. На фота – чарга ў Бундэстаг.

А гэта калярытная чарга на Бэрлінскую тэлевежу.

Зьнізу вежа падаецца ня надта высокай.

А на вышыні ў 207 м з вакна рэстарацыі бачыш, што ~~зямля круглая~~ адлегласьць ад зямлі ого-го!

Афішка

Sun, 05 Apr 2009 21:37:07 GMT

Дзесяць дзён бавіў час у сваякоў у Бэрліне бяз сувязі з радзімай. Што хоць адбылося? Дайце лінкаў сюды цікавых :)

snowhenge

Sun, 01 Mar 2009 16:09:02 GMT

Матэлі-гатэлі

Thu, 12 Feb 2009 19:50:50 GMT

Гасьцініца “Проня” ў Горках (зьвярніце ўвагу на вокны).

* * *

У працяг. Калі едзеш па трасе Менск – Магілёў, непадалёк ад Бялынічаў можна заўважыць домік зь вялікай шыльдай “ГАТЭЛЬ”.

Пікаса й журналісты

Tue, 10 Feb 2009 22:08:02 GMT

Апошнім часам магілёўскі рэсурс mycity.by ператварыўся ў школу журналістыкі. З узаемнымі падколамі.

Цікава, што будзе далей з матэрыяламі сайту :)

Замест часопісаў

Thu, 25 Dec 2008 18:09:24 GMT

adam_hlobus падорыць унуку на Новы год кніжку “ЧАРОЎНЫ СЬВЕТ Зь беларускіх міфаў, паданьняў і казак”. Днямі знаёмая А.А. набыла гэтае выданьне, каб падарыць чатырохгадоваму дзіцёнку на Дзень народзінаў, аднак, калі пагартала старонкі й убачыла малюнкі, то перадумала.. :)

Ня ведаю, як у дзяцінстве, але ў свае 23 я б не адмовіўся ад гэткага падарунку. Дарэчы, ілюстрацыі “Чароўнага сьвету” – добры матэрыял для якой-небудзь гулькі а-ля “Героі”, дзе замест зомбі й вампіраў будуць нашыя вупыры, ваўкалакі ды іншыя чэрці. Глядзіце самі:

Гарцукі – чорныя духі, падначаленыя Перуну. Яны ўтвараюць вятры, буры й віхуры й іншыя стыхійныя прыродныя зьявы.

Чорт – уяўляецца касматай чорнай істотай з хвастом і рагамі, капытамі, рухомымі чырвонымі вачыма, носам, як у кабана, і клыкастым ротам. У пэрыяд хрысьціянства грамадзтва сьпісала на Чорта свае грахі: п’янства, паленьне, зладзейства, сямейныя непаладкі...

Жалезны чалавек – ахоўнік беларускіх балот і лясоў. Ён уяўляўся волатам з жалеза й надзяляўся якасьцямі гэтага мэталю.

Начніцы – гэта ператвораная пасьля сваёй сьмерці жанчына, якая з прычыны свайго шальмоўства ці пракляцьця людзьмі ніколі пры жыцьці ня мела дзяцей. Замест маткі Начніца дае дзіця свае грудзі, у якіх не малако, а атрута, у выніку чаго дзіця хварэе, пакутуе й можа нават памерці.

Ваўкалак – чалавек, ператвораны ў ваўка.

Вупыр – мярцьвяк, які ноччу пакідае труну, выходзіць з магілы й усяляк шкодзіць людзям і свойскай жывёле. Ён працінае цела ахвяры аж да сэрца або ўпіваецца ў шыю й смокча сьвежую кроў, пакідаючы невялікую ранку. Ахвяра хварэе й хутка памірае.

Стрыга – чараўніца, якая турбуе цяжарным і падмяняе маткам дзяцей, падкідваючы замест тоўстага й добрага дзіцяці худое й плаксівае. Раззлаваная Стрыга можа зьнявечыць малое й на вачах ва ўсіх разьбіць яму галаву аб камень. Згодна з народнымі перакананьнямі, Стрыга не баіцца нават сьвятой вады.

* * *

Яшчэ “Чароўны сьвет” нагадаў мне чэрвеньскі нумар украінскага часопісу “ШО”:

Thu, 27 Nov 2008 17:44:05 GMT

"Лад" паказвае фільм пра Кіта. Усіх перакладаюць зь беларускай на расейскую.

А фільм цікавы.

Расейска-беларуская мяжа

Sun, 19 Oct 2008 08:56:13 GMT

На пярэднім пляне – Расея, далей – Беларусь.

АА! Гуляем супраць расейцаў!!!

Thu, 28 Aug 2008 16:50:34 GMT

Група сьмерці

H: Рэал, Ювэнтус, Зэніт, БАТЭ

Іншыя групы

A: Чэлсі, Рома, Бардо, ЧФР
B: Інтэр, Вэрдэр, Панацінаікас, Анартосіс
C: Барсэлёна, Спортынг, Базэль, Шахцёр Данецк
D: Лівэрпуль, ПСВ, Марсэль, Атлетыка
E: Манчэстар Юнайтэд, Вільярэал, Сэлтык, Ольбарг
F: Ліён, Баварыя, Сьцяўа, Фіярэнтына
G: Арсэнал, Порту, Фэнэрбахчэ, Дынама Кіеў

З паездкі на рыцарскі турнір у Мсьціславе

Sat, 16 Aug 2008 21:17:51 GMT

Вайна ў Кобрыні

Fri, 15 Aug 2008 20:19:26 GMT

На першы погляд, Кобрынь – утульны гарадок з прыемнай архітэктурай. Але, калі прыгледзіцца, можна заўважыць праявы вайны.

Адзін з помнікаў Сувораву насупраць ягонага дому-музэю

Яшчэ музэй зь імем Суворава

Танк у Кобрыне

Плошча Свабоды на вуліцы Леніна

Надпіс на помніку: “Русскимъ воинамъ, одержавшимъ первую победу над войсками Наполенона въ пределахъ Россіи 15 іюля 1812 года”

Заходнія павевы:

* * *
Заўтра буду ў Мсьціславе. Там вайна ўжо завершылася, але пераможцаў і пераможаных няма.

Змагаюся са сном

Thu, 31 Jul 2008 20:19:40 GMT

Эх, крута глядзець па БТ "Гуд бай, Ленін!"