Адкрыў для сябе Каменную горку.
На станцыі мэтро людзей ці ня менш, чым на якой Кастрычніцкай. Выходзіш - а навокал усё захапілі новыя мікрараёны. У аўтобусах малыя дзеці пытаюцца ў бацькоў: "А за колькі месяцаў (!) пабудавалі гэты дом? А гэты?"
- Каменная горка
-
![[info]](http://l-stat.livejournal.com/img/userinfo.gif?v=91.6)
oldmah- November 17th, 2011
Адкрыў для сябе Каменную горку.
На станцыі мэтро людзей ці ня менш, чым на якой Кастрычніцкай. Выходзіш - а навокал усё захапілі новыя мікрараёны. У аўтобусах малыя дзеці пытаюцца ў бацькоў: "А за колькі месяцаў (!) пабудавалі гэты дом? А гэты?"
- Беларускі час
-
- oldmah
- October 18th, 2011
Папраўце, калі памыляюся. Цяпер Беларусь будзе жыць па сваім унікальным часе? "Летні" будзе супадаць з Кіевам, Прыбалтыкай, а "зімовы" ані з кім?
- О_о Антыкрызісная цана, вартая асобнага жж-посту
-
- oldmah
- September 6th, 2011
Неверагодна: набыў сёньня ў "Магілёўсаюздруку" верасьнёўскі нумар Billboard за... 910 беларускіх рублёў!
Жнівеньскі нумар каштаваў 8190 рублёў РБ, то бок верасьнеўскі патаньнеў амаль у дзесяць разоў. Перапытаў, потым нават праверыў у іншым кіёску. У мяне няма тлумачэньняў.
Дайце два! Адзін перапрадаўvasilkou
- Extreme Power Fest vs Sziget
-
- oldmah
- July 26th, 2011
Больш за сорак гуртоў, дзьве сцэны, намётавы гарадок, N.R.M. у хэдлайнерах, начныя дзіджэі - Extreme Power Fest у гэтую пятніцу. Гучыць неверагодна, у Магілёве пройдзе першыблінopen-air.
Гэта агульная інфармацыя. У фэста няма нават свайго бложэка, калі захочаце падрабязнасьцяў - шукайце Вконтакте. З так сказаць прамоўшэнам правал атрымаўся, паглядзім, што будзе 29-га.Шмат да чаго яшчэ можна доўга чапляцца, а можна адчайна-наглядна разьмясьціць схемы-мапы "эталоннага" Sziget'у і мясцовага фэсту ;)
( Read more... )
- Рыцарскі фэст 2011 у Мсьціславе
-
- oldmah
- July 17th, 2011
Тры гады пасьля і я зноў трапіў на Рыцарскі фэст у Мсьціславе. Паездку не плянаваў - вялікім аматарам сярэднявечнай культуры назваць сябе не магу. Аднак ад магчымасьці кудысьці зьезьдзіць ніколі не адмаўляюся :)
( Read more... )
- Цішотка зрабіла мой дзень ;)
-
- oldmah
- May 27th, 2011
Прыйшла бандэролька з самой Сіліконавай даліны. За сьціплы ўнёсак у Google Maps, а дакладней у GoogleMapMaker, мне даслалі халяўную цішотку, сэртыфікат ды налепку.
Больш за месяц спатрэбілася заакіянскім адпраўшчыкам, каб сабраць падарунак, і дваццаць дзён спатрэбілася пошце на дастаўку прыемнай дробязі ў мясьціны, усё яшчэ дрэнна намаляваныя на інтэрнэт-мапах. Цяжка паверыць, але яны змаглі :)
Акрамя добрых інтэрнэт-сэрвісаў, ад Google, аказваецца, можна атрымаць таксама й цішотку ;)
( Read more... )
- Як абясцэньваўся беларускі рубель
-
- oldmah
- May 20th, 2011
Зайшоў у магілёўскую краму і не ўстрымаўся, каб не зрабіць некалькі мабільных ілюстрацыяў (адпаведнай якасьці)для падручнікаў па макраэканоміцы. "Гістарычныя" здымкі былі зробленыя ўдзень, таму народу было зусім нямнога.
Самы папулярны прадукт на сёньня - соль. Пакупнікі бралі адразу па пяць кіляграмаў у розных упакоўках.
( Глядзець на пустыя прылаўкі )
- LiveJournal app for Android
-
- oldmah
- April 29th, 2011
У ЖЖ нарэшце стварылі афіцыйную прогу для Андроіда, але не навучылі яе галоўнаму - чытаць фрэндстужку. Такі вось тэставы запіс.
Опубликовано с помощью приложения LiveJournal для Android.
- У Эгіпце свае фільмы пра Плошчу
-
- oldmah
- February 5th, 2011
Эмацыйна, драматычна, проста.
- Адзін дзень у прынтскрынах Al Jazeera
-
- oldmah
- February 1st, 2011
Па-мойму, найбольшы кайф сёньня атрымлівалі журналісты апальнай Al Jazeera:
( Кайф Al Jazeera... )
Дарэчы, CNN спачатку паведаміла пра нібыта сьвяткаваньне сярод дэманстрантаў з нагоды выступу Мубарака :)
- How are you?
-
- oldmah
- January 29th, 2011
Да чаго сьняцца жж-юзэры, зь якімі ледзь знаёмыя й ня бачыліся некалькі гадоў?
- The Social Network
-
- oldmah
- January 27th, 2011
Са спазьненьнем ад прэм'еры нарэшце паглядзеў "Сацыяльную сетку". Пацьвердзіліся мае чаканьні-апасеньні -- нягледзячы на назву, фільм зьняты не пра фэйсбук, а пра бізнэс вакол яго. Стужка зайшла лёгка й цікава, але пачуцьцё падману засталося.
Спадзяюся, кінашэдэўры менавіта пра сацыяльныя сеткі й іхныя функцыі яшчэ выйдуць. Дакумэнтальныя й мастацкія, драмы й камэдыі. Бо тэма ж не раскрытая :)
- Гарачае лета
-
- oldmah
- August 7th, 2010
- Балтыка. Сілуэты
-
- oldmah
- June 9th, 2010
У маладосьці Аксана з Лаўсану* (у цэнтры кампазыцыі) разам зь сяброўкамі жыла на беразе Балтыйскага мора ў курортным Швянтойі.
( далей будзе мора... )
- То ня Марс
-
- oldmah
- May 22nd, 2010
Аўтаспын падкраўся незаўважна. Палова на адзінаццатую, разраджаны мабільны, траса Менск – Магілёў, недзе ля Чэрвеня. Спрабую застопіць рэдкія машыны, але ўжо маральна гатовы тут заночыць – неба зорнае, побач ёсьць прыпынак з дахам і лавачкай. Раніцай усё роўна буду дома. Раптам спыняецца машына зь нямецкімі нумарамі.
- Неспадзяванка
-
- oldmah
- February 23rd, 2010
- “Ядро белорусской государственності” ўзламае Rammstein
-
- oldmah
- February 22nd, 2010
Паспрабаваў знайсьці магчымыя здымкі з кліпу Rammstein, якія сёньня хацеў паказаць міністру культуры пісьменьнік Мікалай Чаргінец і ён жа старшыня Грамадзкага савету па маральнасьці.
«Вот первая [фатаграфія]: женщина стоит на коленях, его член обнажен, брызжет выше головы семяизвержение...»
Па-мойму, таленавіты пісьменьнік менавіта гэтак павінен апісаць выяву.
А геніяльнасьць Чаргінца пацьвярджаецца цытатамі зь ягонага раману:
( Далей болей.. )
Паводле Грамадзкага савету па маральнасьці, Беларусь набліжаецца да якаснага зруху сытуацыі:
“они будут крошить и уничтожать еще очень хрупкое белорусское самосознание, топтать память о Победе и ее героях и, в конце концов, разрушать белорусскую государственность. Именно так: белорусскую идентичность и ядро белорусской государственности 7 марта собираются взломать при помощи тарана.”
- Паглядзеў Шэрлака Холмса
-
- oldmah
- January 11th, 2010
У новым галівудзкім фільме ёсьць усё. І ад амэрыканскага кіно з дракамі, трукамі ды іншымі вострасюжэтнымі эфэктамі, і ад сучаснага эўрапейскага кіно з іранічнымі сюжэтамі й гульнямі. Кожнаму гледачу мікс павінен чымсьці спадабацца, выглядае, гэтак разьлічвалі аўтары. У выніку атрымаўся добры дэтэктыў з інтрыгуючым містычным пачаткам і менш цікавым завяршэньнем.
Забаўку прагледзеў, як кажуць, на адным дыханьні. Сюжэт шмат у чым нагадаў фільм “Анёлы й дэманы”, толькі замест Рыму з Ватыканам – Лёндан з ангельскімі ўрадоўцамі. Вострае пачуцьцё дэжа вю выклікаў момант з мапай Лёндану, паводле якой вызначалі месца наступнага злачынства. Цешыць, што ў карціне багата правакацыяў. Ад рэплікаў Холмса ў стылі доктара Хаўса да непаліткарэктных намераў “магаў” падначаліць “былую калёнію” Англіі.
Калі з фільму прыбраць усю галівудчыну, атрымаецца выдатны найноўшы адказ на ўсім вядомага савецкага “Шэрлака Холмса”.
- "Около месяца мы провели в кошмарном сне"
-
- oldmah
- November 28th, 2009
.dadakinder : "Улетая из Минска, я испытывал радость. И также думал о том, что "оставшиеся в Белоруссии" - пускай отчаянные, но герои духа. Куда большие герои, чем "оставшиеся в Москве" или "оставшиеся в Киеве". Потому что российский империализм и украинский хуторской фашизм - это детский лепет, по сравнению со злобным ничто трупа лукашенковской Белоруссии. Там вас убивают не только жандармы. Там вас убивает сам воздух. И если вы сумели одолеть его, то в жизни уже не будет ничего, чего бы вы одолеть не смогли. Главное, чтобы картошка в мозгах не выросла." Пачатак тут
- Калі б я нарадзіўся ў Бэрліне..
-
- oldmah
- November 9th, 2009
.. у добрае надвор’е штодня езьдзіў бы ў офіс на ровары, у дрэннае – на ўласным аўто. Па вечарах, пасьля басэйну, я б ехаў у мэтро з кнігаю ў руках да сяброў у чарговы паб. Уночы – дамоў, зноў у мэтро, цяпер ужо з дэвайсам у руках. Разглядаў бы сьвежыя фоты, пісаў камэнты, чытаў навіны. Насупраць мяне сядзелі б панурыя туркі, а ў супрацьлеглым баку вагона – захоплена гаманілі кітайцы. Нарэшце мой дом. Ключы, шкляныя дзьверы аўтаматычна адчыняюцца, загараецца сьвятло, за мною заходзіць дзяўчына з восьмага паверху. Мы вітаемся, у ліфце жартуем, разьвітваемся. Сон. Новы дзень.
У выходныя пару разоў на месяц невялічкай кампаніяй ляталі ў Лёндан альбо Талін, у Скандынавію альбо Балканы. Каб пафотаць, наведаць канцэрт, пагрэцца ва ўтульнай кавярні. Зрэшты, каб зноў вярнуцца ў зручны Бэрлін.
А сёньня я б прыгадаў амаль сьцёртыя з памяці неасэнсаваныя пачуцьці раньняга дзяцінства з нагоды падзеньня муру. Калі не ўсьведамляў значнасьці падзеі, але, дзякуючы бацькам, адчуваў, што адбылося нешта надзвычай важнае й станоўчае.
- Vienna. Urban
-
- oldmah
- October 8th, 2009
Шкада, нельга паказаць здымкі неверагодных гарадоў з маіх сноў.
А вось вам некалькі фотаў зь Вены.
( +2 >> )
- Kazimierz. Kraków
-
- oldmah
- September 29th, 2009
Цяжка назваць Казімеж габрэйскім, сёньня ён, хутчэй, Jewish-themed раён Кракава. Сынагогі тут засталіся, а замест габрэяў – турысты. Некалькі характэрных фотаў.
( Read more... )
- Лякальная геаграфія
-
- oldmah
- September 10th, 2009
Райцэнтры Магілёўшчыны, якія мне лёгка запомніць:
Асіповічы
Бабруйск
Быхаў
Бялынічы
Горкі
Круглае
Мсьціслаў
Слаўгарад
Чавусы
Шклоў
А з гэтымі, калі трэба ўзгадаць што дзе знаходзіцца, пачынаецца мешаніна: Глуск, Дрыбін, Кіраўск, Касьцюковічы, Клічаў, Клімавічы, Крычаў, Краснапольле, Чэрыкаў, Хоцімск.
- Берасьце – Тэрэспаль
-
- oldmah
- September 9th, 2009
На днях бачыў, як вялікія група чачэнцаў (грузінаў?) прайшла мытную залю Берасьцейскага вакзалу й бязь візаў на цягніку “Берасьце – Тэрэспаль” пераехала ў Польшчу, дзе імі ўжо “заняліся” польскія памежнікі. Нелегалаў было шмат – амаль палова вагону.
Сытуацыя зьдзівіла. Атрымліваецца, нашы памежнікі могуць выпускаць у Шэнген каго заўгодна?
Учора ўдзень ля мытнай залі ў Берасьці нелегалаў “лавілі” журналісты БТ.
( +2 >> )
- Маленькія радасьці
-
- oldmah
- August 19th, 2009
Ёсьць нейкая цяжкавытлумачальная асалода ад позьняга шопінгу “за маслам і булкай”. Хоць і выбар горшы.
- Крамола не прайшла
-
- oldmah
- July 24th, 2009
У тэлевэрсію магілёўскага канцэрту ДДТ песьня “Когда закончится нефть” не патрапіла. Хто б сумняваўся :)
- Абрэвіятура
-
- oldmah
- June 24th, 2009
Нядаўна даведаўся, чаму “Позірк” (прадпрыемства, якое аб’ядноўвае шэраг магілёўскіх кінатэатраў) гэтак называецца. Калі перакласьці зь беларускай на расейскую мову звыклыя назвы “Ветразь”, “Кастрычнік”, “Чырвоная Зорка” і “Радзіма”, “Космас”, атрымаем:ПАРУС ОКТЯБРЬ КРАСНАЯ ЗВЕЗДА і РОДИНА КОСМОС
- Berlin, Berlin
-
- oldmah
- June 1st, 2009
Дарагая рэдакцыя! Вярніце, калі ласка, на экраны сэрыял “Бэрлін, Бэрлін”!
- Бэрлін. Фотафакт
-
- oldmah
- May 6th, 2009
Адзін з сымбаляў Бэрліну саскочыў са сьвятлафору, вырас, ператварыўся ў вялікую нерухомую зялёную фігуру, затым ажыў і пайшоў “па справах” (гл. другі плян).
- Нямецкі дворык. Частка 1
-
- oldmah
- April 12th, 2009
Сьметніца-“паліцай”, якую доўга не заўважаў, знаходзілася акурат ля ўваходу ў пад’езд дому, дзе давялося жыць. Як удалося высьветліць, “паліцаяў” у Бэрліне завуць “догамі”. Відаць, размаляваная сьметніца – своеасаблівае рэха постсавецкага насьценнага жывапісу з надпісамі а-ля “мусора – с*кі”.
- anka_upala на Аляксандарпляц
-
- oldmah
- April 10th, 2009
- Бэрлін. Чэргі
-
- oldmah
- April 9th, 2009
Першая нечаканасьць, зь якой сутыкнуўся ў Бэрліне – чэргі. У немцаў усё настолькі прадумана, што чэргаў тут не павінна быць, меркаваў я раней. Аднак яны ўсё ж ёсьць, імі папросту добра кіруюць: квіткі з нумарамі, памяшканьні-“буфэры” ды маніторы з часам уваходу па нумарах. На фота – чарга ў Бундэстаг.( Іншы ракурс + чарга ў тэлевежы й тэлевежа без чаргі )
- Матэлі-гатэлі
-
- oldmah
- February 12th, 2009
Гасьцініца “Проня” ў Горках (зьвярніце ўвагу на вокны).
* * *
У працяг. Калі едзеш па трасе Менск – Магілёў, непадалёк ад Бялынічаў можна заўважыць домік зь вялікай шыльдай “ГАТЭЛЬ”.
- Пікаса й журналісты
-
- oldmah
- February 11th, 2009
Апошнім часам магілёўскі рэсурс mycity.by ператварыўся ў школу журналістыкі. З узаемнымі падколамі.
Цікава, што будзе далей з матэрыяламі сайту :)
